Sardor Rahimxon qo‘rqqan ilon o‘rgatilgan, zararsiz bo‘lib, video olish uchun olib kelingan
Ijtimoiy tarmoqlarda “Sardorga boʻgʻma ilon tashlandi. Yetimlar xavf ostida qoldi” sarlavhasi ostida video tarqalgan edi. Unda xonadonga piton iloni kirib qolgani aks etgan.
Namangan viloyati Ekologiya, atrof-muhitni muhofaza qilish va iqlim o‘zgarishi boshqarmasi holat yuzasidan munosabat bildirdi.
“Videodagi ilon turi Namangan viloyatidagi davlat hisobiga qoʻyilgan “Kosonsoy dorbozlari” nomli xususiy hayvonot bogʻiga tegishli. Hayvonot bogʻi direktorining taʼkidlashicha, ilon video olish uchun olib ketilgan va koʻp oʻtmay qaytarib berilgan“ – deyiladi bosharqarma axborotida.
Shuningdek, “ilon sunʼiy boqilishi natijasida odamlarga oʻrgatilgan, hech kimga hech qanday zarar yetkazmagan“.
