Bahodir Jalolov va Lazizbek Mullojonov: Xotira turniri finalida ikki o‘zbek to‘qnash keldi
Rossiyaning Xabarovsk shahrida “Konstantin Korotkov xotira musobaqasi” o‘z nihoyasiga yetdi. Musobaqaning +92 kg vazn toifasida bo‘lib o‘tgan hal qiluvchi – final bosqichida ikki o‘zbek charmqo‘lqop ustalari, hamyurtlarimiz Lazizbek Mullojonov va Bahodir Jalolov to‘qnash keldi. Murosasiz davom etgan 3 raundli jangda ko‘k burchakda ringga chiqqan Bahodir Jalolov hakamlarning yakdil qaroriga ko‘ra g‘alaba qozondi.
Aytib o‘tish joizki, O‘zbekiston terma jamoasining barcha vakillari mazkur xotira musobaqasida munosib ishtirok etdi. Quvonarlisi, 15 davlat vakillari ishtirok etgan ushbu musobaqada bokschilarimiz 7 ta oltin va 9 ta kumush medal bilan umumjamoa hisobida 1-o‘rinni egallashdi.
