Bugun “Registon” maydonida Futzal bo‘yicha Jahon chempionatiga qur’a tashlanadi
2024-yilgi nufuzli turnirga O‘zbekiston mezbonlik qiladi
Joriy yilning 14-sentabridan 6-oktabrigacha yurtimiz muhim turnir — futzal boʻyicha “Jahon kubogi-2024”ga mezbonlik qiladi. Bugun Samarqand shahrining “Registon” maydonida guruh bosqichiga qur’a tashlanadi. Soat 19:00da boshlanadigan marosimni “Zoʻr” TV telekanalida toʻgʻridan-toʻgʻri jonli efirda tomosha qilishingiz mumkin.
24 ta futzal terma jamoalari 6 guruhga boʻlingan holda Jahon chempionligi uchun bahslarga kirishadi. “А”, “C” va “Е” guruhidan joy olgan terma jamoalarning uchrashuvlariga “Humo” arena kompleksi mezbonlik qilsa, “В” va “F” guruhidagilar Buxorodagi “Universal” sport majmuasida oʻz oʻyinlarini oʻtkazadi. Turnirning “D” guruhidan joy oladigan terma jamoalarning uchrashuvlari Andijon shahrida qurilib bitkazilgan “Universal” sport majmuasida boʻlib oʻtadi.
