Hindiston: Yangi topilgan ilon turlari Garri Potter qahramoni sharafiga nomlandi
Hindistonda yangi tur sifatida aniqlangan noyob chiziqli naqshli yashil ilon Garri Potter filmlaridagi Salazar Slizerin qahramoni sharafiga nomlandi.
Milliy Biologiya fanlari markazi, so‘z yuritilayotgan ilon turining yangi nomini “Trimeresurus Salazar” deb belgilaganliklarini e’lon qildi. Ta’kidlanishicha, bu shaqildoq ilon turi juda zaharli boʻlib, boshi va tanasida oʻziga xos toʻq sariq va qizgʻish rangli chiziqlar bor.
Ma’lumki, Janubi-Sharqiy Osiyo mintaqasida Trimeresurus Salazardan tashqari 48 xil ilon bor. Tadqiqot olib borgan Dokror Zeeshan Mirza Hindistonda biologik xilma-xillik ancha keng, ammo sanoatlashtirish, yoʻl qurilishi va qishloq xoʻjaligi uchun ochilgan oʻrmon yerlari tufayli yovvoyi hayvonlar turlarining yoʻqolib ketish xavfi borligini haqida gapirdi.
Ma’lumot uchun, Salazar Slizerin J.K. Roulingning mashhur fantastik romani Garri Potterdagi sehrgarlik maktabi 4 asoschilaridan biridir.
