Shimoliy Koreyaning e’tibor tortgan da’vosi: Sun’iy yo‘ldosh tasvirlari bilan oshkor qilindi
BBC xabariga ko‘ra, “BBC Tasdiqlash” guruhi Shimoliy Koreyaning Janubiy chegaraga yaqin mintaqada ortib borayotgan harbiy faolligini sun’iy yo‘ldosh tasvirlari orqali o‘rganib chiqdi.
Tahlil qilingan sunʼiy yoʻldosh suratlari Shimoliy Koreya nazoratidagi demilitarizatsiya zonasidagi yerlar tozalanganini koʻrsatmoqda. Chegaraning 7 kilometrlik qismining yuqori aniqlikdagi sunʼiy yoʻldosh tasvirlari Shimoliy Koreya ushbu hudud yaqinida devorga oʻxshash inshootlar qurganini koʻrsatadi.
Hududda oldingi yuqori aniqlikdagi yozuvlar yo‘qligi sababli, qurilishning aniq qachon boshlangani ma’lum emas va bu inshootlar 2023-yil noyabr oyida olingan suratda ko‘rinmaydi. “Ular birinchi marta bir joyni boshqa joydan ajratish uchun toʻsiq qurishmoqda”.
Osiyo va Koreya bo‘yicha strategik va xalqaro tadqiqotlar markazi katta vitse-prezidenti, professor Viktor Cha “Demilitarizatsiya zonasida oldindan maslahatlashmasdan binolar qurish odatiy emas va o‘t ochishni to‘xtatish rejimini buzishni anglatishi mumkin” deya holatga o‘z bahosini berdi.
Janubiy Koreya poytaxti Seulda joylashgan Asan siyosatshunoslik institutidan harbiy va mudofaa bo‘yicha ekspert Doktor Uk Yang BBCga sun’iy yo‘ldosh tasvirlari haqida baho berdi. Uk, “Mening shaxsiy baholashimga ko‘ra, ular bir joyni boshqa joydan ajratish ma’nosida birinchi marta to‘siq qurmoqdalar. 1990-yillarda Shimoliy Koreya urush bo‘lsa tanklar oldinga siljishini oldini olish uchun tanklarga qarshi devorlar qurgan, faqat yaqinda Shimoliy Koreya 2-3 metr balandlikda devorlar qurmoqda va bular tankga qarshi devorlarga oʻxshamaydi” dedi u.
London Kings kollejining Yevropa va xalqaro tadqiqotlar bo‘limi boshlig‘i, Doktor Ramon Paxeko Pardo, “Shimoliy Koreya Janubdan boʻladigan hujumni oldini olish uchun ko‘proq to‘siqlarga muhtoj emas, ammo bu chegara to‘siqlarini o‘rnatish orqali Shimoliy Koreya birlashishni istamasligi haqidagi xabarni yubormoqda” deya o‘z fikrini baham ko‘rdi.
