Toshkentda “Bahodir Yalangto‘sh” filmi namoyishi boshlandi

Eng arzon chiptalar qayerda: Kinoteatrlar, seanslar va chipta narxlari haqida hammasi

“Bahodir Yalangto‘sh” filmi davlatimiz rahbari Shavkat Mirziyoyev tashabbusi bilan boshlangan “Tirik tarix” loyihasi doirasidagi ilk kinokartina hisoblanadi. Film Kinematografiya agentligi buyurtmasiga binoan Samarqand viloyati hokimligi bilan hamkorlikda sur’atga olingan. Filmning dastlabki premyerasi 25-may sanasida Samarqand shahrida, 30-may sanasida esa poytaxtimiz Toshkent shahrida o‘tkazildi. Bu haqida saytimizda biroz muddat ilgari ma’lum qilgan edik.

6-iyun kunidan boshlab yurtdoshlarimiz uchun kinoteatrlarda film namoyishi boshlandi, siz bilan Toshkent shahrida joylashgan yirik kinoteatrlar, ularning kunlik seanslari hamda chipta narxlari bilan tanishamiz.

• Cinematica (Tashkent city) – poytaxtda ochilgan zamonaviy va jahon standartlariga javob beruvchi kinozal. Manizli – 3, Batyr Zakirov str, 100021, Tashkent, 4th floor.

Cinematicada 1 kunda turli zallarda 15ga yaqin seanslar mavjud. Seanslar 3 ta vaqt grafikasiga bo’lingan.

1. 10:20-11:30 – 5- va 8-zallarda 1 ta chipta bolalar uchun 29.000 so’m, kattalar uchun 35.000 so’m
2. 13:15-17:20 – 5- va 8-zallarda 1 ta chipta bolalar uchun 37.000 so’m, kattalar uchun 45.000 so’m
3. 19:30-23:10 – 3- va 5-zallatrda 1 ta chipta narxi – 60.000 so’m

Bundan tashqari, VIP lounge zalda 1 chipta narxi – 300.000 so’mni tashkil etadi. Siz chiptalarni kinoteatrga kassasidan yoki elektron tarzda ushbu havola orqali sotib olishingiz mumkin.

• Magic cinema – Magic city hududida joylashgan kinoteatr, manzil – 174, Bobur ko’chasi.

Magic cinema kinoteatrida kuniga 5 seans mavjud, siz qancha erta tashrif buyursangiz, chipta narxlari ham ertaroq seanslarda nisbatan arzonroq bo’ladi, Deylik, soat 10:25dagi seansda 1 chipta narxi – 50.000 so’m, soat 23:20dagi seansga kelib, 1 chipta narxi 80.000 so’mga teng bo’ladi.

• Compass cinema, manzili- 17, Toshkent Xalqa avtomobil yo’li, Toshkent.

Ushbu kinoteatrda 1 kunda filmining 2 seansi mavjud, soat 10:00da 1 chipta narxi – 35.000 so’m, soat 15:40dagi seans uchun – 50.000 so’m.

• Yulduz Cinema, manzili – 25, Mirobod ko’chasi.

Yulduz Cinema kinoteatrida 1 kunda 3 seans namoyishi yo’lga qo’yilgan. Chipta narxlari har 3 seansda bir xil – 75.000 so’m.