Vinisiusning terma jamoadagi ishlari yurishmayapti
Vinisius Junior Braziliya terma jamoasi safida 31 ta o‘yinda atigi 3 ta gol urgan. U bir yildan ortiq vaqtdan beri gol ura olmayapti. U oxirgi marta 2023-yil 18-iyun kuni Gvineyaga qarshi o‘rtoqlik o‘yinida penaltidan gol urgan edi.
U Qatar-2022 jahon chempionatida Janubiy Koreya darvozasiga urgan golidan buyon rasmiy o‘yinda gol ura olmadi. Achinarli tomoni shundaki, Amerika qit’asi turniri oltin to‘p sovrini egasini aniqlashda muhim rol o‘ynaydi va agar Vinisius bu turnirda muvaffaqiyat qozona olmasa sovrindan mahrum bo‘lishi mumkin.
Eslatib o‘tamiz, Vini ayni damda Braziliya terma jamoasi bilan Amerika qit’asida bo‘lib o‘tayotgan “Copa-America” nufuzli turnirida ishtirok etmoqda. Terma jamoa D guruhida Kolumbiya, Kosta-Rika va Paragvay terma jamoalari bilan kuch sinashadi. Dastlabki turda Kosta-Rika bilan bahs durang bilan tugagan edi. Endi jamoa 29-iyun sanasida Paragvayga qarshi 2-turni o‘tkazadi.
